Notifications

चेस प्रेमि भाइबहिनीहरू, विद्यार्थीहरूको तार्किक सोच, एकाग्रता, धैर्यता र निर्णय क्षमता विकास गर्ने उद्देश्यले विद्यालयस्तरीय चेस प्रतियोगिता आयोजना गरिएको छ। प्रतियोगिताको मिति: * साउन २७ गते: कक्षा ४–५ (अधिकतम ४० जना) * साउन २८ गते: कक्षा ६–७ (अधिकतम ४० जना) * साउन २९ गते: कक्षा ८–१० (अधिकतम ४० जना) महत्त्वपूर्ण जानकारी: * प्रतियोगिता लङ गेम (Long Game) हुने भएकाले प्रत्येक समूहमा अधिकतम ४० जना सहभागी मात्र समावेश गरिनेछ। * जससँग चेस बोर्ड छ, कृपया आफ्नो बोर्ड साथमा ल्याउनुहोस्। * सहभागी हुन इच्छुक विद्यार्थीहरूले साउन २५ गतेभित्र आफ्नो नाम दर्ता गराउनुहोस्। स्थान सीमित भएकाले पहिले नाम दर्ता गर्ने विद्यार्थीलाई प्राथमिकता दिइनेछ। ⁠सम्पर्क: शिखर रेग्मी चेस प्रशिक्षक 9847266658

आदरणीय अभिभावकज्यू तथा प्यारा नानीबाबुहरु, नेपाल सरकार, स्वास्थ्य तथा जनसंख्या मन्त्रालय बुटवल उपमहानगरपालिका अन्तर्गत शहरी स्वास्थ्य केन्द्र, बुद्धनगर, बुटवल–११ को आयोजनामा मिति २०८३ श्रावण २२ गते शुक्रबारका दिन कक्षा ५ देखि १० सम्म अध्ययनरत छात्राहरूलाई आइरन–फोलिक एसिड खुवाउने कार्यक्रम रहेको व्यहोरा सम्बन्धित सम्पूर्णमा जानकारी गराउँदछौं । धन्यवाद । प्राचार्य

कविता लेखन तथा वाचन प्रतियोगिता (कक्षा ८ देखि १०) ।

Today, our students of grade XII, Computer Stream had a knowledge full session with Dr. Suresh Manandhar, an AI scientist and Honorary Chair of Madan Bhandari University of Science and Technology.

आजको डिजिटल युगमा मोबाइलमा बित्ने समयलाई सिर्जनात्मक सिकाइतर्फ मोड्न चेस उत्कृष्ट माध्यम हो। चेसले विद्यार्थीमा एकाग्रता, फोकस, तार्किक सोच, निर्णय क्षमता, समस्या समाधान गर्ने क्षमता, धैर्यता, अनुशासन र आत्मविश्वास विकास गराउँदै पढाइमा पनि सकारात्मक प्रभाव पार्छ। विद्यालयले होस्टलका विद्यार्थीलाई प्राथमिकता दिँदै, चेस सिक्न इच्छुक अन्य विद्यार्थीहरूलाई पनि सहभागी हुने अवसर उपलब्ध गराएको छ। समयः दिउँसो १२ः३० देखि २ः०० बजे सम्म । 👉 यस्तो अवसर नछुटाउनुहोस्—सिकाइलाई रमाइलो र अर्थपूर्ण बनाऔं ♟️✨ आजको एउटा सही चालले भोलिको सफल भविष्य निर्माण गर्छ। चेस मास्टर (प्रशिक्षक) शिखर रेग्मी ९८४७२६६६५८

गुरु केवल ज्ञान दिने व्यक्ति मात्र होइनन्, जीवनलाई सही मार्गमा डोर्‍याउने प्रेरणाका स्रोत पनि हुन्। गुरुको ज्ञान, अनुशासन, संस्कार र आशीर्वादले नै व्यक्तित्व निर्माणको आधार तयार गर्छ । यस गुरु पूर्णिमाको पावन अवसरमा सम्पूर्ण गुरुजनप्रति हार्दिक श्रद्धा, सम्मान तथा कृतज्ञता व्यक्त गर्दै उहाँहरूको सुस्वास्थ्य, दीर्घायु र उत्तरोत्तर प्रगतिको हार्दिक शुभकामना व्यक्त गर्दछौँ। "गुरुर्ब्रह्मा गुरुर्विष्णुः गुरुर्देवो महेश्वरः। गुरुः साक्षात् परंब्रह्म तस्मै श्रीगुरवे नमः॥" सम्पूर्ण गुरुजनमा गुरु पूर्णिमाको हार्दिक मंगलमय शुभकामना ! प्राचार्य

https://www.facebook.com/share/p/1CvssdF3fi/

हाम्राे विद्यालयमा सम्पन्न प्रथम मूल्याङ्कन/प्रथम त्रैमासिक परीक्षाको नतिजा प्रकाशन तथा अभिभावक–शिक्षक भेटघाट (PTM) कार्यक्रमलाई भव्य, सभ्य तथा सफल बनाउन आफ्नो अमूल्य समय निकालेर उपस्थित भई विद्यालयप्रति देखाउनुभएको विश्वास, सक्रिय सहभागिता, रचनात्मक सुझाव, सद्भाव तथा निरन्तर सहयोगका लागि सम्पूर्ण अभिभावकज्यूहरूमा हार्दिक धन्यवाद व्यक्त गर्दछौं। PTM का क्रममा यहाँहरूले प्रदान गर्नुभएको बहुमूल्य सुझाव, सल्लाह तथा सकारात्मक प्रतिक्रियालाई विद्यालयले उच्च सम्मानका साथ आत्मसात् गर्ने प्रतिबद्धता व्यक्त गर्दछ। विद्यार्थीहरूको शैक्षिक उपलब्धि, अनुशासन, नैतिक विकास तथा समग्र व्यक्तित्व निर्माणमा विद्यालय र अभिभावकबीचको सुदृढ सहकार्य नै सफलताको आधार हो भन्ने हाम्रो दृढ विश्वास रहेको छ। आगामी दिनहरूमा पनि यहाँहरूको यस्तै निरन्तर साथ, सहयोग, विश्वास र रचनात्मक सुझाव प्राप्त हुने अपेक्षा गर्दै सम्पूर्ण अभिभावकज्यूहरूलाई हार्दिक धन्यवाद व्यक्त गर्दछाैं । प्राचार्य न्यू होराइजन मा. विद्यालय

'बिदाको समयलाई पनि सिकाइ, सोच र सफलताको अवसर बनाऔँ ।' मिति २०८३/०४/१० गतेदेखि प्रत्येक शनिबार र आइतबार दिउँसो १२:३० बजेदेखि २:०० बजेसम्म न्यू होराइजन मातृ संस्था, कालिकानगरमा नियमित चेस प्रशिक्षण सञ्चालन हुनेछ । चेस खेलप्रति रुचि भएका इच्छुक विद्यार्थी भाइबहिनीहरूलाई नियमित रूपमा सहभागी भई प्रशिक्षणबाट लाभ लिन हार्दिक अनुरोध गर्दछु । चेस मास्टर (प्रशिक्षक) शिखर रेग्मी ९८४७२६६६५८

श्रद्धेय अभिभावकज्यूहरू तथा प्रिय नानीबाबुहरू, यस विद्यालयबाट लिइएको प्रथम मूल्याङ्कन तथा प्रथम त्रैमासिक परीक्षाको नतिजा प्रकाशन तथा विद्यार्थीहरूको शैक्षिक उपलब्धि र गतिविधिसम्बन्धी जानकारी अभिभावकहरूसम्म पुर्‍याउने उद्देश्यले अभिभावक–शिक्षक भेटघाट (PTM) कार्यक्रम निम्न मिति, समय र स्थानमा सञ्चालन हुने जानकारी गराउँदै, आफ्ना छोराछोरी सहित अनिवार्य रूपमा उपस्थित भइदिनुहुन सम्पूर्ण अभिभावकज्यूहरूलाई हार्दिक अनुरोध गर्दछौं । कक्षा ४ देखि १० सम्मका लागि: मिति: २०८३ साउन ९ गते, शनिबार समय : बिहान १०:०० बजे देखि दिउँसो २:०० बजेसम्म स्थान : कक्षा ४ देखि ७ सम्म, न्यू होराइजन मा. वि. (कालिकानगर) कक्षा ८ देखि १० सम्म, न्यू होराइजन मा. वि. (देवीनगर) कक्षा प्रि–नर्सरी देखि ३ सम्मका लागि: मिति : २०८३ साउन १० गते, आइतबार समय: बिहान ७:०० बजे देखि बिहान १०:०० बजेसम्म स्थान: न्यू होराइजन मा.वि., कालिकानगर प्राचार्य

Heartiest Congratulations! The Duke of Edinburgh’s International Award Club proudly congratulates our two outstanding members Mr. Sasin Dwaj Pokhrel & Mr. Srijan Khadka for successfully achieving the Gold Level Award at the programme organized by Saksham Yuwa Nepal, the National Award Operator of The Duke of Edinburgh’s International Award in Nepal. This prestigious achievement reflects their dedication, perseverance, leadership, and commitment to personal excellence. We are immensely proud of your remarkable accomplishment and wish you continued success in all your future endeavors. Congratulations once again on this well-deserved achievement!

आदरणीय अभिभावकज्यू तथा प्यारा नानीबाबुहरू, यस विद्यालयमा सञ्चालन भइरहेको प्रथम मूल्याङ्कन अन्तर्गत कक्षा प्रि-नर्सरीदेखि कक्षा ३ सम्मको मूल्याङ्कन सफलतापूर्वक सम्पन्न भएको हुँदा मिति २०८३ साउन १ गते, शुक्रबार, कक्षा प्रि-नर्सरीदेखि कक्षा ३ सम्मका विद्यार्थीहरूलाई बिदा दिइएको व्यहोरा सम्बन्धित सम्पूर्णमा जानकारी गराउँदछाै। पुनश्च: कक्षा ४ देखि १० सम्मका परीक्षा समय तालिका अनुसार यथावत् सञ्चालन हुने छ । धन्यवाद। प्राचार्य

Congratulations

आदरणीय अभिभावकज्यू तथा प्यारा नानीबाबुहरू, यस न्यू होराइजन मा. विद्यालयको कक्षा प्रि–नसरीदेखि ५ सम्मको प्रथम मूल्याङ्कन (First Assessment) तथा कक्षा ६ देखि १० सम्मको प्रथम त्रैमासिक परीक्षा पूर्वनिर्धारित परीक्षा तालिकाअनुसार मिति २०८३ असार २८ गते, आइतबार पनि सञ्चालन हुने व्यहोरा सम्पूर्ण अभिभावक तथा विद्यार्थीहरूमा जानकारी गराउँदछौं । प्राचार्य

आदरणीय अभिभावक ज्यू, यस न्यू होराइजन मा. वि. को परीक्षा अवधिभर कक्षा प्रि–नर्सरीदेखि कक्षा ७ सम्मका विद्यार्थीहरुका लागि दिउँसो १२ः३० मा स्कुल देखि बस छुट्ने र पैदल विद्यार्थीहरुका लागि दिउँसो १२ः४० मा गेट खुल्ने जानकारी गराउँदछौ । प्राचार्य