Notifications

आदरणीय अभिभावकज्यू तथा प्यारा विद्यार्थी भाइबहिनीहरू, बडादशैँ, तिहार तथा छठ पर्व २०८३ को पावन अवसरमा यहाँहरू सबैमा हार्दिक मङ्गलमय शुभकामना व्यक्त गर्दछौँ। यस चाडपर्वको लामो बिदालाई थप ज्ञानवर्धक, सृजनशील र फलदायी बनाउन न्यू होराइजन बुक क्लबले विद्यार्थीहरूका लागि “फेस्टिभ रिडर अवार्ड २०८३” (Festive Reader Award 2083) आयोजना गर्न गइरहेको सहर्ष जानकारी गराउँदछौँ। यस कार्यक्रमको मुख्य उद्देश्य विद्यार्थीहरूमा अध्ययन संस्कृतिको विकास गर्नु, नयाँ पुस्तक पढ्ने बानी बसाल्नु, ज्ञानको दायरा फराकिलो बनाउनु तथा बिदाको समयलाई सिर्जनात्मक रूपमा सदुपयोग गर्नु हो। पुरस्कार तथा मूल्याङ्कनका आधारहरू • न्यूनतम पुस्तक सीमा: सहभागी प्रत्येक विद्यार्थीले बिदाको अवधिमा कम्तीमा ५ वटा पुस्तक अनिवार्य रूपमा पढ्नुपर्नेछ। • अधिकतम पुस्तक पढ्न प्रोत्साहन: विद्यार्थीले जति धेरै पुस्तक पढ्न सक्छन्, त्यति नै राम्रो हुनेछ। धेरै पुस्तक पढ्ने विद्यार्थीले बढी पुरस्कार तथा विशेष सम्मान प्राप्त गर्ने अवसर पाउनेछन्। • नयाँ पुस्तकलाई प्राथमिकता: यसअघि कहिल्यै नपढेका नयाँ पुस्तकहरू छनोट गरी पढ्ने विद्यार्थीलाई विशेष प्राथमिकता दिइनेछ। • पुस्तकको विविधता र अध्ययनको गुणस्तर: विभिन्न विधा तथा विषयका पुस्तकहरू पढ्ने र आफूले पढेका पुस्तकको कथावस्तु, मुख्य सन्देश तथा सिकाइ स्पष्ट रूपमा प्रस्तुत गर्न सक्ने विद्यार्थीलाई विशेष महत्त्व दिइनेछ। • अभिभावकको भूमिका र सहकार्य: आफ्ना बालबालिकाले कुन-कुन पुस्तकहरू पढिरहेका छन् भन्नेबारे अभिभावक पूर्ण रूपमा जानकार हुनुपर्नेछ र दैनिक अध्ययन कार्यलाई प्रोत्साहित गर्नुपर्नेछ। • विवरण तथा प्रमाणीकरण: विद्यार्थी र अभिभावक मिलेर पढेका पुस्तकहरूको सूची तयार पार्नुपर्नेछ र अभिभावकको हस्ताक्षरसहित उक्त विवरण विद्यालय खुलेपछि बुझाउनुपर्नेछ। • धेरै विद्यार्थीले पुरस्कार पाउन सक्ने: यो प्रतियोगितामा एक जना वा दुई जना मात्र विद्यार्थीलाई सीमित गरी पुरस्कार प्रदान गरिने छैन। विद्यार्थीले गरेको उत्कृष्ट अध्ययन, पढेका पुस्तकको सङ्ख्या, नयाँ पुस्तकको प्रयोग, अध्ययनको गुणस्तर तथा समग्र प्रदर्शनका आधारमा धेरै विद्यार्थीलाई विभिन्न श्रेणीमा पुरस्कार, प्रमाणपत्र तथा पुस्तक उपहार प्रदान गर्न सकिनेछ। • दुई जना उत्कृष्ट पाठकको छनोट: सम्पूर्ण सहभागीहरूमध्येबाट समग्र रूपमा उत्कृष्ट अध्ययन गर्ने २ जना विद्यार्थीलाई “बेस्ट रिडर – फेस्टिभ रिडर अवार्ड २०८३” प्रदान गरिनेछ। • तुलनात्मक मूल्याङ्कन (रिडिङ हाफ म्याराथनको आधार): विजेता तथा उत्कृष्ट विद्यार्थी छनोट गर्दा यसअघि गर्मी बिदामा सञ्चालन गरिएको “रिडिङ हाफ म्याराथन” (Reading Half-Marathon) मा विद्यार्थीको सहभागिता तथा प्रदर्शनलाई समेत यस “फेस्टिभ रिडर अवार्ड” को कार्यसम्पादनसँग तुलना गरी समग्र मूल्याङ्कन गरिनेछ। “जति धेरै पढ्नुहुन्छ, त्यति धेरै सिक्नुहुन्छ; जति राम्रो पढ्नुहुन्छ, त्यति नै राम्रो सम्मान र पुरस्कार पाउने अवसर प्राप्त गर्नुहुन्छ।” पुस्तक अध्ययन विवरण फारम (Reading Log Format) विद्यार्थीहरूले A4 साइजको कागजमा तल दिइएको ढाँचा अनुसार विवरण तयार गर्नुपर्नेछ: क्र.सं. पुस्तकको नाम लेखकको नाम जम्मा पृष्ठ नयाँ पुस्तक? (हो/होइन) अभिभावकको हस्ताक्षर १. उदाहरण: सेतो बाघ डायमण्ड शमशेर २५० हो (हस्ताक्षर) २. ३. ४. ५. ... विद्यार्थीको नाम: _______________________________________ कक्षा / सेक्सन: ________________________________________ रोल नं.: ______________________________________________ जम्मा पढेका पुस्तक सङ्ख्या: ______________________________ समर हाफ म्याराथनमा सहभागी हुनुभएको थियो? (थिएँ/थिइनँ): __________ अभिभावकको नाम र हस्ताक्षर: ______________________________ महत्त्वपूर्ण जानकारी • फारम बुझाउने अन्तिम मिति: छठ पर्वको बिदा सकिएर विद्यालय खुलेको ३ दिनभित्र प्रमाणित विवरण बुक क्लब इन्चार्जसमक्ष बुझाइसक्नुपर्नेछ। • अन्तरक्रिया: छनोट सूचीमा परेका विद्यार्थीहरूसँग उनीहरूले पढेका पुस्तकहरू, मुख्य कथावस्तु, पात्रहरू, सन्देश तथा सिकाइबारे क्लबका शिक्षकहरूले छोटो छलफल तथा मौखिक प्रश्नोत्तर गर्नेछन्। न्यू होराइजन बुक क्लब

हार्दिक मंगलमय शुभकामना !

आदरणीय अभिभावकज्यू तथा प्यारा नानीबाबुहरू, मिति २०८३ असोज ३० गतेदेखि कार्तिक २९ गतेसम्म दशैँ, तिहार तथा छठ पर्वको बिदा दिइएको जानकारी गराउँदछौँ । उक्त बिदाको अवधिका लागि गृहकार्यहरू विद्यालयको एप्लिकेसन मार्फत पठाइएको छ । उक्त गृहकार्य हेर्नका लागि एप्लिकेसन खोली, Menu option मा गई Assignments मा थिच्नुहोस् । नोट : उक्त गृहकार्यहरूको मूल्याङ्कन दोस्रो मूल्याङ्कन तथा अर्धवार्षिक परीक्षाको प्रयोगात्मक (Practical) अङ्कमा समावेश गरिनेछ । त्यसैले, सम्पूर्ण नानीबाबुहरूले आफ्नो गृहकार्य सफा, शुद्ध र राम्रो अक्षरमा पूरा गरी समयमै बुझाउनु हुन सूचित गरिन्छ । धन्यवाद । प्राचार्य

आदरणीय अभिभावकज्यू तथा प्यारा नानीबाबुहरू, मिति २०८३ असोज २९ गते बिहिबार कक्षा ८ देखि १० सम्मका परीक्षा बिहान १०ः३० बजेदेखि सुरु हुने व्यहोरा सम्बन्धित सबैमा जानकारी गराउँदै समयमै उपस्थित हुनुहुन सूचित गरिन्छ । धन्यवाद । प्राचार्य ।

Dear all alumni of this school are requested to join the program. 😀

आदरणीय अभिभावकज्यू, यस न्यू होराइजन मा. वि. को परीक्षा अवधिभर कक्षा प्रि–नर्सरीदेखि कक्षा ७ सम्मका विद्यार्थीहरुका लागि दिउँसो १२ः३० बजे स्कुल देखि बस छुट्ने र पैदल विद्यार्थीहरुका लागि दिउँसो १२ः४५ बजे गेट खुल्ने जानकारी गराउँदछौ । प्राचार्य

आदरणीय अभिभावकज्यू, मिति २०८३ असोज २२ गते बिहिबार, न्यू होराइजन मा. वि., देवीनगरको लेखा शाखा बिहान ६ः०० बजेदेखि तथा कालिकानगरको लेखा शाखा बिहान ८ः०० बजेदेखि खुल्ला हुने व्यहोरा सम्पूर्ण अभिभावकज्यूहरूमा जानकारी गराउँदछौं । धन्यवाद । प्राचार्य

आदरणीय अभिभावकज्यू तथा प्यारा नानीबाबुहरु, यस न्यू होराइजन मा. विद्यालयको कक्षा प्रि–नसरीदेखि ५ सम्मको दोस्रो मूल्याङ्कन (Second Assessment), कक्षा ६ देखि १० सम्मको अर्धवार्षिक परीक्षा तथा कक्षा ११ र १२ को प्रथम त्रैमासिक परीक्षा मिति २०८३ असोज २२ गतेदेखि सञ्चालन हुन गइरहेको व्यहोरा जानकारी गराउँदै, मिति २०८३ असोज २१ गते बुधबार कक्षा प्रि–नर्सरीदेखि १२ सम्मका विद्यार्थीहरूलाई परीक्षाको तयारीका लागि बिदा दिइएको जानकारी गराउँदछौँ । विद्यार्थीहरूको शुल्क भुक्तानीका लागि असोज २१ गते न्यू होराइजन मा. वि. देविनगरको लेखा शाखा बिहान ७ः०० बजेदेखि दिउँसो ४ः०० बजे सम्म र कालिकानगरको लेखा शाखा बिहान ९ः०० बजेदेखि दिउँसो ३ः०० बजेसम्म खुल्ला रहने व्यहोरा सम्पूर्णमा जानकारी गराउँदछौं । पुनश्चः विद्यार्थीहरूको शुल्क अनलाइन माध्यमबाट पनि भुक्तानी गर्न सकिने व्यहोरा समेत अनुरोधपूर्वक जानकारी गराउँदछौं । धन्यवाद । प्राचार्य

आदरणीय अभिभावकज्यू तथा प्यारा नानीबाबुहरू, मिति २०८३ असाेज १८ गते आइतबारदेखि सम्पूर्ण कक्षाहरू यथावत् समयमा सञ्चालन हुने व्यहाेरा सम्पूर्णमा सूचित गरिन्छ । धन्यवाद । प्राचार्य

आदरणीय अभिभावकज्यू तथा प्यारा नानीबाबुहरू, यस विद्यालयमा सञ्चालन हुने कक्षा प्रि–नर्सरीदेखि ५ सम्मको दोस्रो मूल्याङ्कन (Second Assessment) , कक्षा ६ देखि १० सम्मको अर्धवार्षिक परीक्षा तथा कक्षा ११ र१२ को प्रथम त्रैमासिक परीक्षा मिति २०८३ असोज २२ गतेदेखि सञ्चालन हुने व्यहोरा सम्पूर्णमा सूचित गरिन्छ । नोटः उक्त मूल्याङ्कन र त्रैमासिक परीक्षाको समय तालिका विद्यालयको एप्लिकेसनमा प्रकाशित गरिएको छ । धन्यवाद । प्राचार्य

आदरणीय अभिभावकज्यू तथा प्यारा नानीबाबुहरू भारी अविरल वर्षाका कारण मिति २०८३ असाेज ११ गते आइतबार सम्पूर्ण कक्षाहरूका पठनपाठन कार्य नहुने व्यहाेरा सम्पूर्णमा जानकारी गराउँदछाै । नाेट: असाेज १२ गते साेमबारदेखि सम्पूर्ण कक्षाहरू यथावत् समयमा सञ्चालन हुने व्यहाेरा सम्पूर्णमा जानकारी गराउँदछाैं । धन्यवाद । प्राचार्य

आदरणीय अभिभावकज्यू तथा प्यारा नानीबाबुहरू, सम्भावित अविरल वर्षाका कारण बाढी तथा डुबानको जोखिमलाई ध्यानमा राखी बुटवल उपमहानगरपालिकाको निर्णयअनुसार यस विद्यालयमा प्रि–नर्सरीदेखि कक्षा १२ सम्म २०८३ असोज ८ गते दिवा सत्रका कक्षाहरू र असोज ९ गते बिहानी तथा दिवा दुवै सत्रका कक्षाहरू बन्द रहने जानकारी गराइन्छ। यस अवधिमा बालबालिकालाई सुरक्षित राख्न, खोला किनार तथा अन्य जोखिमपूर्ण क्षेत्रमा जान नदिन र आवश्यक सतर्कता अपनाउन सम्पूर्ण अभिभावकज्यूहरूमा अनुरोध गर्दछौँ। धन्यवाद । प्राचार्य

आदरणीय अभिभावकज्यूहरू, जल तथा मौसम विज्ञान विभागको मौसम पूर्वानुमान शाखाले मिति २०८३ असोज ८ गते देखि असोज ११ गतेसम्म मौसममा बदली भई भारी वर्षा हुने पूर्वानुमान गरी सतर्कता अपनाउन अपिल गरेको सन्दर्भमा उक्त दिनहरुमा मौसमको अवस्था हेरी आफ्ना नानीबाबुहरुलाई बिहान विद्यालय पठाउँदा तथा दिउँसो घर आउँदा विशेष निगरानी गर्नुहुन सम्बन्धित सबैमा जानकारी गराइन्छ । धन्यवाद । प्राचार्य

यस विद्यालयमा कार्यरत सम्पूर्ण शिक्षक, कर्मचारी, विद्यार्थी तथा अभिभावकज्यूहरू, देशको वर्तमान अवस्था तथा विभिन्न कारणले धेरै दिन बिदाहरू परेको, दशैँ तिहारको लामो बिदा पर्ने तथा त्रैमामिक परीक्षा पनि नजिकिँदै आएको कारण निर्धारित शैक्षिक कार्यतालिकाअनुसार पठनपाठन कार्य पूरा गर्न कठिनाइ हुने देखिएको हुँदा असोज महिनाको ४, ११, र १८ गतेका आइतबारहरूमा नियमित कक्षाहरू सञ्चालन गर्ने निर्णय भएको हुँदा सोही अनुसार हामीले हाम्रो विद्यालयमा पनि उक्त दिनहरूमा नियमित रुपमा पठनपाठन सञ्चालन गर्ने निर्णय गरिएको व्यहोरा सम्बन्धित सबैमा जानकारी गराइन्छ । धन्यवाद । प्राचार्य

शिक्षक–कर्मचारीहरु, अभिभावक तथा सम्पूर्ण विद्यार्थीहरु, विद्यालयको शैक्षिक कार्यतालिका अनुसार नियमित कक्षाहरू मिति २०८३ भाद्र २७ गते शनिबार सञ्चालन हुने छ, साथै, हिन्दु महिलाहरूको विशेष पर्व हरितालिका (तीज) को अवसरमा विद्यालयमा मिति २०८३ भाद्र २८ गतेदेखि भाद्र ३१ गतेसम्म विदा रहने व्यहोरा सम्बन्धित सबैमा जानकारी गराइन्छ। मिति २०८३ असोज १ गते बिहीबारदेखि विद्यालय यथावत् रुपमा सञ्चालन हुनेछ । धन्यवाद ! प्राचार्य